Çalakiya 'Nobeda Azadiyê' ku ji bo azadiya fîzîkî ya Rêberê Gelê Kurd Abdullah Ocalan li bajarê Strasboûrgê yê Fransayê tê lidarxistin, di hefteya 453'an de ye.

Çalakiya ku di 25'ê Hezîrana 2012'an dest pê kir, di hefteya 453'an de bi koma ji Parîsê dewam dike ku kom ji Kamber Aydin, Alî Yorûlmaz û Ahmet Gerçek pêk tê.

Ahmet Gerçek bi navê çalakgeran axivî û greva birçîbûnê ya girtiyên siyasî silav kir ku li dijî tecrîdê li dar dixin.

Gerçek her wiha Mahmût Yildiz û Halîl Şen bi bîr anî ku li dijî tecrîdê çalakiya fedayî kirin û anî ziman ku tecrîdkirina Rêberê Gelê Kurd Abdullah Ocalan tê wateya tecrîdkirina gelê Kurd.

Ahmet Gerçek got, "Heta ku Rêberê me azad nebe, em nikarin qada azadiya xwe bikin" û diyar kir ku heta tecrîd bi dawî bibe, Rêberê Gelê Kurd Abdullah Ocalan azad bibe, gelê Kurd wê li her deverê çalakiyên xwe dewam bike.