Li qada Helvetîaplatz yê bajarê Zurîhê yê Siwîsrê ji bo Zara Muhammedî ya bi hinceta perwerda zimanê Kurdî dide zarokan hatibû girtin, çalakî hate lidarxistin. Ferdên malbata Muhammedî û ji çar parçeyên Kurdistanê nûnerên saziyên sivîl tevlî çalakiyê bûn.  

Di çalakiyê de xwişka Zara Muhammedî, Kanî Muhammedî axivî û xwest demildest Zara Muhammedî serbest were berdan. Kanî Muhammedî diyar kir ku xwişka wê hemû jiyana xwe ji bo fêrkirina zimanê Kurdî da û got: “12 salan bi awayek bê navber û israr qûrs vekir û zarok perwerde kir. Em ji vê xebata Zara serbilindin. Divê demildest Zara serbest were berdan.“

Li ser navê Enstîtuya Zimanê Kurdî Alî Şîmşek jî mafê axaftinê girt û wiha got: “Li çar parçeyên Kurdistanê ziman, çand û nasnameya Kurdan dibin êrîşan de ye. Divê li dijî êrîşan hemû Kurd xwedî li ziman, çand û nasnameya xwe derkevin.“

Piştî axaftinan çalakî bi stran û helbestan dawî bû.