Kurdên li gelek deverên Rûsyayê dijîn bi merasîmên cûr be cûr pêngava 15’ê Tebaxê pîroz kirin. Di vê çarçoveyê de li bajarê Mîçûrîsnsk a girêdayî herêma Tambovê 38. salvegera 15’ê Tebaxê Cejna Vejînê bi merasîmekê hat pîrozkirin.

Di pîrozbahiyê de Hevseroka Meclîsa Gel a bajêr Fatma Usiv axivî û diyar kir ku bi 15’ê Tebaxê re rûpelek nû di dîroka gelê Kurd de hat vekirin û bingeha serkeftinên ku îro Kurd gihîştinê ava kiriye. Fatma Usiv her wiha destnîşan kir 15’ê Tebaxê ku pêngava herî girîng a di rêya vejîna gelê Kurd e ya ku bi Rêberê Gelê Kurd Abdullah Ocalan hat destpêkirin û bi berxwedana kadroyên PKK’ê ku di encama lehengiyên mezin ve nîşan danî derketiye holê, ji bo Kurdên li Rûsyayê dijîn cejnekî watedar û pir girîng e.  

Piştî axaftina Fatma Usic pîrozbahî bi pêşkêşkirina berhemên hunerî yên hunermenên herêmî Mehmed Usenov, Ariyana Bahadîn, Sare Hajiyeva, Berzo Hesen û Nûredîne Ahmedîn ve dom kir.

Pîrozbahî bi gerandina govendê û berzkirina dirûşmeyan bi dawî bû.