Kurdistaniyên li Osloyê ya paytexta Norveçê dijîn, li dijî êrîşên kîmyewî yên dewleta Tirk li Kurdistanê pêk tîne, çalakiyek li dar xistin.

Çalakî ji aliyê NCDK-OSLO’yê ve li Îstasyona Trenê ya Navendî hat lidarxistin. Piştî deqeyek rêzgirtinê Hevseroka Meclîsa Gelê Kurd a Osloyê Ayser Yuce axivî. Ayser Yuce di serî de welatên Ewropayê û Neteweyên Yekbûyî (NY), bêdengiya saziyên navneteweyî şermezar kir û ev bang li hikûmeta Norveçê kir: “Ev bêdengiya hevkariya sûc e.”

Her wiha aktîvîsta Defend Kurdistanê jî Lîda Weerts jî axivî û bêdengiya OPCW, NY, NATO û dewletên alîgir şermezar kir û banga “Bêdengiya we sûc e, hevkariya sûc e, ez we şermezar dikim û şerm bikin” li Wezîra Karên Derve ya Norveçê Annîken Hûîtfeldtê kir.

Çalakgeran ji bo bal bikêşînin ser êrîşên kîmyewî cilên spî li xwe kirin û maske dan ber ruyê xwe. Di çalakiyê de wêneyên 17 gerîlayên ku di êrîşên kîmyewî de hatin qetilkirin, hatin hildan. Çalakî bi guhdarkirina strana nû ya Hunergeha Welat a “Serêkaniyê Avaşîn” bi dawî bû.