Li bajarê Marsîlya yê Fransayê ji bo balê bikişînin ser mirinên girtiyên li girtîgehên Tirkiyê û rewşa girtiyên nexweş çalakiya konvedanê hat lidarxistin.

Kon saet 14:00’an li cadeya qerebalix a meydana Vîeûx Port a Marsîlyayê hat vedan û heya saetên dereng ên êvarê dom kir.

Di çalakiyê de hat destnîşankirin ku herî dawî di nava mehekê de 5 girtiyên nexweş bi giştî 7 kesan û di nava du salên dawî de jî bi giştî 64 kesan jiyana xwe ji dest daye û bal hat kişandin li ser Garîbe Gezer û Vedat Erkmen ku bi awayeke bi guman jiyana xwe ji dest dane.

Di tevahiya rojê de belavok hatin xwendin û belavkirin. her wiha hat diyarkirin ku rewşa tendirustiya siyasetmedar Aysel Tûglûk nebaş e û divê demildest serbest bê berdan.