KOPENHAG

Li Kopenhaga paytexta Danîmarkayê êrîşên dagirkeriyê yên dewleta Tirk li Başûrê Kurdistanê pêktînin hatin protestokirin.
Çalakiya bi banga Meclîsa Jinan a Sêvê hatî lidarxistin, li Qada Nytorvê hate kirin.
Di axaftinên di çalakiyê de hatîn kirin, bal kişandin li ser dewleta Tirk a yasayên navnetewî û pîvanên hiqûqî berê niha li Efrîn û Serêkaniyê binpê kiribû, îro jî heman pêkanînan li Heftanînê pêk tîne.
Di serî de bang li gel û hikumeta Danîmarkayê, civaka navnetewî kir ku bertekên xwe nîşanî van dagirker û qetlîamên derhiqûqî nîşan bidin.
Çalakî bi dirûşmeyên, “Bijî berxwedana Heftanînê” bi dawî bû.

RENNES

Li bajarê Rennesa Fransayê Kurdistanî û dostên wan tecrîda li ser Rêberê Gelê Kurd Abdullah Ocalan, êrîşên dewleta Tirk ên li Kurdistanê û qetlîamên jinan protesto kirin.
Kurdistanî û dostên wan ên di seat 16:00’an de li Qada Colombîerê hatîn gel hev hetanî Qada Republîque, bi dirûşmeyên “Bijî Serok Apo”, “Bê Serok Jiyan nabe”, “Jin, Jiyan, Azadî”, “Bimre dîktator Erdogan” û belavkirina belavûkên Fransî banga hestiyariyê kirin.
Piştî meşê li Qada Republiqueyê bi pêkanîna mitîngê çalakî bi dawî bû.