Li Kolnê Meclîsa Kurecîkê ya Navneteweyî hate avakirin
Li Elmanyayê bi kongreya ku li bajarê Kolnê hate lidarxistin, Meclîsa Kurecîkê ya Navneteweyî hate avakirin.
Li Elmanyayê bi kongreya ku li bajarê Kolnê hate lidarxistin, Meclîsa Kurecîkê ya Navneteweyî hate avakirin.
Li bajarê Koln ê Elmanyayê bi beşdariya 100 delegeyan Kongreya Damezrîner a Meclîsa Kurecîkê ya Navneteweyî hate lidarxistin.
Di kongreyê de ku Mahmut Canaydin axaftina destpêkê kir, Parlamentera berê ya HDP'ê Besîme Konca, Parlamenterê HDP'ê Kemal Pekoz, nûnerê Weqfa AK-EL'ê Sacît Akdemîr û li ser navê Komeleya Kurecîkê Mustafa Duman axivîn.
Meclisa ku wê pirsgirêkên Kurecîkê û projeyên girêdayî Kurecîkê bişopîne, li dijî tinekirina ekolojiya Kurecîkê jî wê têbikoşe.
Kurecîkî li ser banga 11 komeleyên Kurecîkê ku li welat û Ewropayê kar dikin û rûspiyên herêmê, li hev civiyan û têkildarî armanca damezrandina meclîsê ev peyam dan:
"Weke xelkê Kurecîkê, me biryar da ku ji bo pêşxistina pêkhateya civakî, çandî û xwezayî ya Kurecîkê û ji bo pêşbînkirina perspektîfeke jiyanê ya paşerojê, di çarçoveya yekîtiyê de meclîseke navneteweyî ya Kurecîkê ava bikin."
Xelkê Kûrecîkê yê li gelek welatên Ewropayê, nûnerên ji Tirkiye û Kurdistanê beşdarî kongreya damezrandinê bûn.
Di kongreyê de ku Parlamenterê HDP'ê Kemal Pekoz û Parlamenterê berê ya HDP'ê Besîme Konca jî lê amade bûn de Mahmut Canbay û Arzu Şîmşek ji bo hevserokatiyê hatin hilbijartin. Her wiha rêveberiyek ji 13 kesan hate avakirin ku bi hevserokatiyê re kar bike.
Kemal Pekoz der barê polîtîkayên koçberkirinê, tecrîdê û dozên li dijî HDP'ê de agahî da.
Komeleyên tevlî kongreye bûn wiha ne:
"Komeleya Alîkarî û Piştevaniya Civakî ya Darica, Şaxa Kurecîkê ya Komeleya Kurecîkê, Komeleya Gundê Şamişkan (Güneşli), DAD-Kurecîk, Komeleya Kepez a Ewropayê, Kurecîkên Hollandî, AKHI, Komeleya Kurecîk a BRÎTANYA, AKEL, Komeleya Şamişkan (GuneşİNAM), Komeleya HARUNA’yê, Komeleya DÎDÎM a Meletiyê, Komeleya Kurecîk a Stenbolê, Komeleya Ortakoyê."