Li Frankûrtê meşa li dijî tecrîdê
Komploya Navneteweyî ya 15’ê Sibatê, li Frankfûrtê bi meşeke girseyî hat protestokirin.
Komploya Navneteweyî ya 15’ê Sibatê, li Frankfûrtê bi meşeke girseyî hat protestokirin.
Salvegera 24’emîn a Komploya Navneteweyî ya li dijî Rêberê Gelê Kurd Abdullah Ocalan, bi pêşengiya FCDK-KAWA li bajarê Frankfûrt ê Elmanyayê bi meşeke girseyî hate protestokirin.
Meş bi beşdariya Kurdistaniyên ji Saarbrucken, Frankfûrt, Darmstadt, Hannah û Offenbachê li Bockenheîmer Wartê ku li navenda bajêr e, dest pê kir.
Gava meşê, danezana têkildarê Komploya 15’ê Sibatê, bi zimanê Elmanî hat xwendin û axaftin hatin kirin. Di meşê de fikar ji nehevdîtina malbat û parêzeran bi Rêberê Gelê Kurd Abdullah Ocalan re hat kirin û bang li Dadgeha Mafên Mirovan a Ewropayê, CPT û hemû saziyên navneteweyî hat kirin ku bi erka xwe rabibin.
Di meşê de tim û tim dirûşmeyên “Bijî Serok Apo”, “Bê Serok jiyan nabe” û “Jin, jiyan, azadî” hatin berzkirin û banga tevlêbûna meşa ku wê sibehê li Darmstadt- Lûîsenplatzê li dijî tecrîdê bê lidarxistin, hate kirin.