Çalakiya ku li ber sefareta Tirk ya li Brukselê hat lidarxistin ji bo bîranîna şehîdên Şengalê deqeyek rêz hat girtin.

Hevserokê NAV-BEL Davût Keskîn di çalakiyê de axivî û diyarkir ku ev êrişên li ser Şengalê hatin kirin berdewama êrişên rejîma hov ê Erdogan ya qetilkirina sivîlan e.

Keskîn got, “Ev êrişane nikarin me çavtirsî bikin, wê li Şengalê felsefe û bîrdoziya Rêber Apo şîn bibe û wê Şengal bigihîje azadiya xwe.”

Çalakî bi dirûşmeyên “Bijî berxwedana Şengalê” û “Bijî şehîdên Şengalê” bidawî bû.

BREMEN

Li bajarê Bremen a Elmanyayê êrîşên qirker ên dewleta Tirk ya li ser Şengal û Rojava hat şermezarkirin.

Kurdistanî û dostên wê ku saet 16:00’an dest bi hatina ba hev kirin ji aliyê polîsên Elman ve hatin astengkirin.

Li hemberî astengkirina polîsan gel bi lidarxistina mîtîngekê êrişên dewleta Tirk şermezar kir.