Sendîka, rêxistinên mafên mirovan, Rêxistina Efûyê ya Navneteweyî û tevgerên ekolojiyê jî di nav de 300 rêxistin tevlî meşê bûn. Di meşê de ji bo mafên mirovan, edaleta civakî û krîza avhewayê peyamên hevgirtinê hatin dayîn.

Meclîsa Nav-Berlîn û gelê Kurd jî tevlî meşê bûn.

Li ser navê Nav-Berlînê axaftin hate kirin û di axaftinê de qala qirkirina siyasî, çandî û ekolojîk a dewleta Tirk a faşîst hate kirin.

Di axaftinê de hate gotin “PKK ji bo parastina Kurdistanê û ji bo ku doza Kurdan ji asta herêmî bîne asta global têkoşiyaye. Rêveberiyên faşîst ên Tirk û artêşa wê bi salan çand û zimanê Kurdî qedexe kir, mirov bi darê asîmîlekirin, bi hezaran gund şewitandin. Bi deh hezaran siyasetmedar, rojnameger û çalakger hatin girtin û êşkence li wa hate kirin. Tekane hêza ku li hemberî vî tiştî li ber xwe da PKK ye. Ji 40 salî zêdetir e hemû çand û zimanê li Kurdistanê û xwezaya Kurdistanê diparêze.”