Li paytexta Awûstûrya Viyanayê, êrişên dagirkeriyê yên dewleta Tirk ên li ser kampa Mexmûrê û Başûrê Kurdistanê hate şermezarkirin.

Kurdistanî tevî dostên xwe li Karlsplatzê li hev civiyan û bi mîtîngê nerazîbûn nîşanî dewleta Tirk û hevkarên wê dan.

Piştî deqeyeke rêzgirtinê ji bo bîranîna şehîdên şoreşê, axaftin hate kirin û hate gotin, "Dewleta Tirk li pêşberî sekna dîrokî ya gerîla tarûmar bûye."

Qisekeran gotin, "Dewleta Tirk rêbazên şerê qirêj xistiye dewrê, çekên kîmyewî bi kar tîne, bi serkêşiya PDK û Barzanî êrişên dagirkeriyê dike. Pêşmergeyan didin pêş û bi vî rengî hewl didin di navbera Kurdan de şer derxînin."

Di mîtîngê de ji bo xwedîderketina li berxwedana gerîla banga berxwedana topyekûn hate kirin.