Heyete ji Partiya Demokratîk a Gelan (HDP) li bajarê Strasbourgê yê Fransayê bi rayedarên Komîteya Pêşîgirtina li Êşkenceyê ya Konseya Ewropayê (CPT) re li ser tecrîda li Îmraliyê û binpêkirina mafên mirovan a li girtîgehan hevdîtinek pêk anî.
Hevberdevkên Komîsyona Têkiliyên Derve ya HDP'ê Feleknas Ûca û Hişyar Ozsoy di çarçoveya danûstandinên xwe de yên li Strasbourgê, serdana CPT kir.
Di hevdîtinê de tecrîda li ser Rêberê Gelê Kurd Abdullah Ocalan, grevên birçîbûnê yên li girtîgehan û binpêkirina mafên mirovan a li girtîgehan hatin nirxandin. Heyeta HDP'ê daxwaz û pêşniyarên girtiyan ji CPT re ragihand.
