Girseya gel li ber Navenda Civaka Demokratîk a Kurdistanê li hev civiya û piştî deqeyeke rêzgirtinê ji bo bîranîna şehîdên şoreşa Kurdistanê, ber bi Şaredariya Lîmassolê ve meşiya.

Di çalakiyê de posterên Rêberê Gelê Kurd Abdullah Ocalan, alên PKK, YPG, YPJ, TJK-E hatin hildan û dirûşmên "Bimire nokerî", "Terorîst Erdogan", "Kujer dewleta Tirk", "Bijî berxwedana gerîla", "Bijî Serok Apo" hatin qîrîn.

Piştî meşê siyasetmedarê Kurd Lezgîn Serhat li qada çalakiyê axivî û anî ziman ku armanca dewleta Tirk ji êrişan jiholêrakirina destketiyên gelê Kurd e û ji Efrînê heta Şengalê dixwaze tevahiya Kurdistanê dagir bike.

Lezgîn Serhat bal kişand ser berxwedana gerîla ya li dijî dagirkeriyê û got, "Gelê Kurd wê tevî dostên xwe xwedî li vê berxwedana dîrokî ya gerîla derkeve."

Çalakî bi dirûşman bi dawî bû.