Greva Avhewayê ya Swîsreyê, bertek nîşanê êrîşên dewleta Tirk ên berpêyî Kurdistanê da û got: “Em bi Tevgera Azadiyê ya Kurd û civakên ekolojîk û femînîst re ne ku ava dike, divê êrîşên dewleta Tirk bi dawî bibin.“
Greva Avhewayê ya Swîsreyê, daxwaza rawestandina êrîşên dewleta Tirk ên berpêyî Kurdanistanê kir.
“Di daxuyaniya bi sernavê “Rojava û tevgera avhewayê“ de wiha hat gotin: “Em bi Tevgera Azadiyê ya Kurd û civakên ekolojîk û femînîst re ne ku ava dike, divê êrîşên dewleta Tirk bi dawî bibin.“
Tevgerê, pirsa “Rojava û çi têkiliya vê bi tevgera avhewayê re heye?“ kir û ev tişt diyar kirin:
“Hikûmetên Îran, Iraq, Sûriye û Tirkiyeyê zextan li Kurdan dikin. Kurd bi salan e li dijî van zextan li ber xwe didin û sala 2014’an beşekê mezin ê bakur û rojhilatê Sûriyeyê ji destê terorîstên DAÎŞ’ê rizgar kirin û “Komara Xweser a Rojava“ ava kirin.
Hîmên tevgera azadiyê ya Kurd, ekolojî, femînîzm û demokrasî ne. Rojava, bi pergalên konseya demokratîk a ji binî ve rêxistinkirî ye.
Lê ji sala 2016’an heta bi niha dewleta Tirk êrîşî Yekîneyên Parastinê yên Kurd û gelê sivîl dike. Hat zanîn ku vê havînê û payîzê çekên kîmyewî hatine bikaranîn. Lewma Seroka Yekîtiya Bijîşkên Tirk Şebnem Korûr Fîncanci banga lêpirsîna bêalî kir û demildest hat girtin.“
