'Meşa Şoreşgerî' ya ku li Berlînê komên çepgir ên radîkal bi rêk û pêk dikin, îsal bi tifaqa ji komên koçber û enternasyonalîst hate pîrozkirin.

Beriya meşê ku bi deh hezaran kes tevlî bûn, mîtîngek hate lidarxistin. Di mîtîngê de Koma Vejîn jî derkete ser dikê û stranên Kurdî got. Her wiha govend hate gerandin. Li gel astengiyên polîsan jî meşê saet di 17:00 de ji Hermannplatzê dest pê kir.

Li dijî polîtîkayên koçberiyê û krîmînalîzekirinê, girseya gel meşiya û polîtîkayên li dijî çîna karker tên meşandin û sîstema kapîtalîst şermezar kirin.

Di meşê de dirûşmên "Jin, jiyan, azadî", "Em jiyanek bê Rêbertî qebûl nakin", "Li dijî faşîzmê mil bi mil" û "Yallah yallah antîfaşîst" hatin qîrîn.

Di dema meşê de ji ber provokasyona polîsan şer qewimî û li ser rê agir hate dadan.