DMME’yê, ji bo penaberê Sûriyeyî ku sala 2016’an hewil da ji Sirbistanê bi qaçaxî bireve Macaristanê, di êrîşa polîsên Macar de jiyana xwe ji dest da, 40 hezar Euro ceza li rêveberiya Bûdapeşteyê birî.
Sala 2016’an komek penaber ku ji Sirbistanê bi rê ket û hewil da di ser Çemê Tîzsayê derbasê Macaristanê bibe, rû bi rûyê êrîşa polîsên Macar bû.
Penaber ku li ser botê bûn, polîsan bi kevir, kûçik û gaza rondikrêj êrîş bir ser wan da ku nehêlin ji sînorê Macaristanê derbas bibin û penaberekê Sûriyeyî ket çem û xeniqî.
Penaberê Sûriyeyê ku birayê wî di çem de xeniqî, gihîşt YE’yê û ji bo polîsên Macar ku bûne sedema mirina birayê wî bên darizandin û cezakirin, bi hiqûqî têkoşiya. Ji ber ku Macaristan dosye girt, ev demek bû ku doz di rojeva Dadgeha Mafên Mirovan a Ewropayê de bû.
DMME: NE MIRIN LÊ DIVÊ MAFÊ JIYANÊ YÊ PENABERAN HEBE
Biryara doza ku DMME’yê de li desthilatdariya rastgir/populîst a Vîktor Orban hat kirin, hat dayîn. DMME’yê bawerî pê anî ku rêveberiya Macaristanê û daraza wê têr lêkolîn li ser bûyerê nekiriye û divê berpirs eşkere bibin û bên darizandin û 40 hezar Euro pere ceza li desthilatdariya Orban birî.
