Aktîvîstên Tevgera Ciwanên Şoreşger (TCŞ) li bajarê Bordeaûx ê Fransayê li hev civiyan û êrişa dewleta Tirk a li ser kampa Qadiya ya li Zaxoyê şermezar kirin.

Ciwanan pankartên bi nivîsên "Dewleta Tirk a kujer wê hesab bide" û "L'Etat turc massacre des civils dans des camps de réfugiés kurdes (Dewleta Tirk a faşîst bombe li kampên Kurdan barand)" bi konsolosxaneya Tirk a li Bordeaûxê ve daliqandin.

Di çalakiyê de bang li ciwanên Kurdistanê hate kirin ku dakevin qadan.

EVRY

Li banliyoya Evry a paytexta Fransa Parîsê jî bi banga aktîvîstên TCŞ'ê Kurdistanî li hev civiyan û li dijî êrişa li ser kampa Qadiya meşiyan.

Di meşê de pankartên bi nivîsên "Na ji fermana 75'an re" û "Tolhildan" hatin hildan û dirûşmên "Bijî Serok Apo", "Bijî berxwedana Şengalê", "Tolhildan" û "Terorîst Erdogan" hatin qîrîn.

Çalakgeran bang li hikumeta Fransayê kirin ku li pêşberî van komkujiyan bêdeng nemîne.