Ji bo azadiya fîzîkî ya Rêberê Gelê Kurd Abdullah Ocalan çalakiyên ciwanên Kurd didome.

Çalakiya ciwanan bi şîara ‘Dawî li tecrîd, faşîzm û dagirkeriyê bîne, bi hev re serhildan’ saet di 15.00’na de li îstasyona trênê ya Gare de L’Est ya Parîsê dest pê kir.

Ciwanan di nav garê de meşek li dar xistin û sloganên ‘Azadî ji Ocalan re’, ‘Erdoganê qatil’ û ‘Bimire rejîma Tirk a faşîst’ berz kirin. Di çalakiyê de posterên Rêberê Gelê Kurd Abdullah Ocalan û flamayên PKK’ê hatin vekirin.

Ciwanan diyar kirin ku heta azadiya fîzîkî ya Ocalan wê çalakiyên xwe bidomînin û bang li ciwanên Kurd û enternasyonal kirin ku bila bi ruhê ‘Bi hev re serhildan’ tevlî nav çalakiyan bibin.