Tirkiye dema Cotmeha 2019’an êrîşa dagirkeriyê li ser Rojava dabû destpêkirin Wezîra Parastinê Lînda Reynold daxuyaniyek dabû, ji ber êrîşên Tirkiye ya li ser Bakur û Rojhilatê Sûriyeyê sivîl zirarê dibînin û ji ber vê yekê ji komîteya ku destûra firotina çekan dide Tirkiye daxwaz kiribû ku firotina çekan a ji bo Tirkiye bidin sekinadin.

Hikûmeta Avûstûralyayê rojên borî a bersiva pêşnûme pirsa Senetor Jordan Steele-John da, ragihand ku ji 15’ê Cotmeha 2019’an û vir ve ji bo Tirkiye bihayê 577 hezar û 500 dolarê Avûtûralyayî destûra firotina çekan hatiye dayîn.

Wezaretê diyar ne kir ku amûr ji aliyê kîjan şirketan ve hatiye hilberandin û çi ne.

Ji Komîteya Rojava û Piştevaniyê Peter Boyle ku li ser mijarê ji ANF’ê re axivî û got: “

“Em fikarên Kurdên li Evûstûralyayê ya ji firotina çekan a ji bo Tirkiyeyê parve dikin. Bi Senetor Steele-John û parlementerên din re li ser mijara firotina çekan û şirketan ji bo zêdetir agahiyan bigirin kar dikin. Armanca me sekinandina firotina çekan a ji bo Tiriyeyê ye, ji ber ku ev çalakî li dijî mafê mirov û edaletê ne.

Firtina parçeyên ji bo balafirên şer ên bê mirov ên qatil ên Tirkiye li Bakur û Rojhilatê Sûriye û dîsa Bakurê Iraqê bikar tîne ji aliyê Kanada, Îngîltere, Avûstûryayê ve hatiye rawestandin. Em vê yekê ji Avûstûralyayê jî dixwazin bike.”