Li bajarê Freiburgê yê Elmanyayê, ji bo bîranîna şehîdên meha Cotmehê çalakiyek hate lidarxistin.

Civîna bîranînê li Navenda Civaka Kurd a Demokratîk pêk hat û bi deqeyeke rêzgirtinê ji bo bîranîna şehîdên şoreşa Kurdistanê dest pê kir.

Di bîranînê de hate gotin, "Tevgera Azadiyê ya Kurd tevgereke şehîdan e" û hate bibîrxistin ku meha Cotmehê jî ew meh e ku tevî Bêrîtan û Ronahiyan bi sedan şoreşger lê şehîd bûne.

Qisekeran gotin, "Eger îro li tevahiya cîhanê qala Kurdan tê kirin ev yek bi saya têkoşîna şehîdan me ye" û destnîşan kirin ku têkoşîna azadiyê wê di demeke nêz de Kurdistanê azad bike.

Civîna bîranînê ku bi dehan Kurdistanî tevlî bûn bi qîrîna dirûşmên "Şehîd namirin" û "Bijî Serok Apo" bi dawî bû.