Şehîd Seher Denîz li Heilbronnê hate bîranîn
Seher Denîz ku di şerê dijî dewleta Tirk a dagirker de 8'ê Hezîrana 2022'an şehîd bû, li Heilbronnê hate bîranîn.
Seher Denîz ku di şerê dijî dewleta Tirk a dagirker de 8'ê Hezîrana 2022'an şehîd bû, li Heilbronnê hate bîranîn.
Ji bo Şehîd Seher Denîz (Xatîce Ateş) ku li Herêmên Parastinê yên Medyayê şehîd bû, li bajarê Heilbronn ê Elmanyayê çalakiyeke bîranînê hate lidarxistin.
Çalakiyê bi deqeyeke rêzgirtinê ji bo bîranîna şehîdên Kurdistanê û şehîdên şoreşê destpê kir.
Piştre ferdên ji malbata Şehîd Seher Denîz axivîn û qala sekn û biryardariya Seher Denîz a ji jiyana azad kirin. Her wiha bang li Kurdistaniyên li Ewropayê kirin ku hîn bêhtir tevlî nava têkoşînê bibin.
Piştre bi navê Tevgera Jinên Kurd a li Ewropayê (TJK-E) Delal Amed axivî û sekna li jiyanê, kelecan û têkoşîna Şehîd Seher Denîz vegot.
Piştre jî sînevîzyonek hate nÎşandan û nameyeke Seher Denîz a ji bo malbata xwe nivîsandibû hate xwendin.
Di bîranînê de nûnerên Komeleya Malbatên Şehîdan û Windahiyan (KOMAW) û rêxistinên ciwanan axivîn.
Bîranîn bi qîrîna dirûşmên "Bijî Serok Apo", "Şehîd namirin" û "Jin, Jiyan, Azadî" bi dawî bû.