Li Londrayê ya ku paytexta Îngîltereyê ye gelê Kurd û dostên wan li ser banga Meclîsa Gelê Kurd a Brîtanyayê û Înîsîyatîfa Jinan a Rojê îro li pêşiya serokwezîrtiya Îngîltereyê çalakiyek kirin. Di çalakiyê de êrîşên li ser Başûrê Kurdistanê û Rojava hate protestokirin.

Di çalakiyê de bêdengiya Îngîltereyê jî hate protestokirin û sloganên ‘Erdoganê terorîst’ û ‘Erdoganê dîktator’ hate berzkirin.

Di çalakiyê de hate gotin “Sê sal berê bi dagirkeriya li ser Efrînê û bi êrîşên li ser Avaşîn, Zap û Metînayê dixwazin gelê Kurd qir bikin. Di salvegera qirkirina Ermenan de li dijî Kurdan êrîş hate destpêkirin û dixwazin peyama qirkirinê bidin Kurdan.”

Di axaftinan de berxwedana gerîla jî hate silavkirin.