Gelê Kurd ji 25’ê Çileyê û vir ve her roja Çarşemê li Cenevreyê li pêşiya avahiya Neteweyên Yekbûyî çalakiya rûniştinê dikin.

Di çalakiyê de êşkenceya tecrîdê ya li ser Rêberê Gelê Kurd Abdullah Ocalan, êrîş û qetlîama dewleta Tirk a ku li dijî Kurdistanê dike û bêdengiya NY ya li hemberî êrîşan tê protestokirin.

Di çalakiya vê hefteyê de berxwedana gerîla ya li Zap, Metîna û Avaşînê hate silavkirin û gerîlayên şehîd hatin bibîranîn.

Hevserokê CDK-Cenevreyê Salîh Saglam di çalakiyê de axivî û got “Artêşa Tirk a dagirker çawa ku li Garê li hemberî gerîlayan têk çû wê îro jî li hemberî berxwedana gerîlayan têk biçe. “

Saglam diyar kir ku Neteweyên Yekbûyî li hemberî vê dagirkeriyê bêdeng dimîne û got “Em ê li hemberî bêdengiya NY li her derê xwedî li pêngava ‘Dem dema azadiyê ye’ derkevin û têkoşîna gelê Kurd bidin qîrkirin. Bi têkoşîna gelê Kurd wê Rêbertiya me û Kurdistan azad bibe.”

Piştî axaftinan çalakgeran slogan berz kirin û çalakî domandin.