Ji bo şikandina tecrîda li ser Rêberê Gelê Kurd Abdullah Ocalan li bajarê Strasboûrgê yê Fransayê 14 çalakgeran dest bi greva birçîbûnê kiribûn û ev çalakî di roja 120’an de jî didome. Ji 25’ê Adarê û vir ve jî çalakiyên rûniştinê tên lidarxistin.

Çalakiya rûniştinê li qada ku di navbera Parlementoya Ewropayê, Konseya Ewropayê û CPT’ê de tê kirin.

KCDK-E û TJK-E pêşengiyê ji çalakiyên girseyî re dikin û çalakiya ku sê hefte ne li pêşiya Konseya Ewropayê ye, li pêşiya Parlementoya Ewropayê hate destpêkirin.

Çalakî di hefteyekê de pênc rojan didome û ji gelek welatên Ewropayê Kurd beşdar dibin.

Di anonsan de bal tê kişandin ser tecrîda li ser Ocalan û grevên birçîbûnê yên ku  bi pêşengiya Leyla Guven hatiye destpêkirin.

Li ser navê komîteya amadekar a çalakiyê Helene Dêrsim diyar kir ku wê şikandina tecrîdê pêşiya aştî û demokrasiyê veke.

Dêrsim diyar kir ku heta tecrîd were şikandin wê çalakiyên xwe bidomînin û banga tevlêbûnê kir.

Çalakiya rûniştinê roja Înê wê bi dawî bibe û wê roja Duşemê dîsa were destpêkirin.