Nûçegihanên ANF'ê yên li herêmê ragihandin, ku çalakiyên gerîla yên li dijî artêşa Tirk a li girê Xeregolê dest bi operasyonê kiriye, dewam dike. Di çalakiyên gerîla yên îro de 18 leşkerên Tirk hatin kuştin.

Agahiyên berfireh ên li ser çalakiyan wiha ye:

Danê sibehê saet di 07:00 de, li cihê ku 12 leşker lê bûn, teqemeniya berê li herêmê hatibû bicikirin, hate teqandin. Di encamê de 9 leşker mirin, 3 leşker jî birîndar bûn.

Li du cihên cuda yên Xeregolê, di çalakiyên gerîla de 9 leşker hatin kuştin.

Artêşa Tirk bi helîkopterên bi tîpa Skorsky leşkerên xwe yên mirî û birîndar ji herêmê rakir navçeya Çelê.

Liv û tevgera hewayî ya li herêmê dewam dike.

Di vê navberê de, li girê Bayê yê navçeya Gever a Colemêrgê, duh danê nîvro çalakiyeke sûîqestê hate kirin. Li ser hejmara leşkerên mirî û birîndar agahiyeke zelal bi dest neket.