Rêveberên DBP'ê yên Nisêbînê qeza kir
Hevseroka DBP'ê ya Nisêbînê Zînet Algan, Hevşaredar Cengîz Kok û Endama Meclîsa Şaredariyê Emîne Akyuz qeza kirin. Akyuz ji ber qezayê bi giranî birîndar bû.
Hevseroka DBP'ê ya Nisêbînê Zînet Algan, Hevşaredar Cengîz Kok û Endama Meclîsa Şaredariyê Emîne Akyuz qeza kirin. Akyuz ji ber qezayê bi giranî birîndar bû.
Qeza doh bi şev li nêzî gundê Sûçeken ê navçeya Heskîfê ya Êlihê rû da.
Li gorî agahiyan, rêveberên DBP'ê dema ji rûniştina doza Şaredara berê ya Nisêbînê Sara Kaya vedigeriyan, wesayita wan û wesayiteke din li hev qelibîn.
Ji ber qezayê Hevseroka DBP'ê ya Nisêbînê Zînet Algan, Hevşaredar Cengîz Kok, endama Meclîsa Şaredariyê Emîne Akyuz û xwişka şaredara berê ya Nisêbînê Sara Kaya jî di nav de 6 kes birîndar bûn.
Birîndar rakirin Nexweşxaneya Herêmê ya Êlihê. Tê gotin ku rewşa Akyuz giran e û di beşa lezgîn a nexweşxaneyê de hîn nehatiye ser hişê xwe.