NY, pêşnûmeya ku Îsraîlê mehkûm dike pejirand
Neteweyên Yekbûyî (NY), pêşnûmeya ku Îsraîlê ji ber kuştina bi dehan kesî li Şerîda Xezayê mehkûm dike, pejirand.
Neteweyên Yekbûyî (NY), pêşnûmeya ku Îsraîlê ji ber kuştina bi dehan kesî li Şerîda Xezayê mehkûm dike, pejirand.
Ji meha Adarê û vir ve, di xwepêşandanên bi navê "Meşa vegera mezin" de li ser sînorê Xeza û Îsraîlê bi dehan kes mirin.
Pêşnûme biryara ku pêşkêşî Civata Giştî ya Neteweyên Yekbûyî hate kirin û Îsraîlê şermezar dike, bi dengê piraniya endaman hate qebûkirin. 120 ji 193 welatan destek dan pêşnûmeyê. Dewletên Yekbûyî yên Amerîka (DYA) jî di nav de 9 welatan dengê 'Na' dan.
Di dengdanê de 45 welat jî bê alî man.
Wekî din, pêşnûmeyeke din a ku ji aliyê DYA ve hate pêşkêşkirin û ji kuştina bi dehan kesî Hamasê berpirsyar nîşan dide, nehate qebûlkirin. DYA îdîa dike ku bûyerên li Xezayê ji ber Hamasê rû dane û Hamas berpirsyar e.