Rayedaran diyar kirin ku bûyer li herêma Derya Mirî ya bi 50 kîlometreyan li rojavayê Ammanê rû daye. Di otobusê de 37 xwendekar û 7 kesên li ber wan hebûn.

Li gorî agahiyên ji herêmê hatin girtin, ji ber baranê rê xera bûye, lewma otobusê qeza kiriye. Ji bo karê lêgerîn û rizgarkirinê, helîkopter jî tên bikaranîn.

Li gorî televîzyona Urdunê, Serokwezîr Omer El Razzaz çûye cihê bûyerê û karê rizgarkirinê kontrol kiriye. Qral Abdullah ê 2. jî serdana xwe ya Bahreynê taloq kir.

Qralîçe Tanyayê bi rêya twîtterê daxuyaniyek weşand, xemgîniya xwe ya ji ber trajediyê nîşan da û sersaxî xwest.

Berdevkê hikumetê Cûma Gneymat jî got, "Ji bo Urdunê, ji bo her malbateke Urdunî êvareke giran a xemgîn e."

Li Urdunê ji ber barana ku roja Pêncşemê piştî nîvor gelekî bariya, li gelek herêman lehî rabû.