Li Sûriyeyê li dijî xeta borûya gazê çalakiya sabotajê hate kirin
Hate ragihandin ku li navenda Sûriyeyê li dijî xeta borûya gazê çalakiya sabotajê hatiye kirin.
Hate ragihandin ku li navenda Sûriyeyê li dijî xeta borûya gazê çalakiya sabotajê hatiye kirin.
Li gorî ajansa nûçeyan a fermî Sanayê li sektora Badiya ku herêmeke berfireh ya çolistan a li navenda welate li dijî xeta borûya gazê çalakiya sabotajê ya ‘terorîstî’ hatiye kirin û xebatên xeta borûyê rawestiyaye.
Mala Çavdêriyê ya Mafên Mirovan a Sûriyeyê jî êrîşa bombeyî ya li dijî xeta gazê erê kir. Tê diyar kirin ku li herêmê çeteyên DAÎŞ’ê hene.
Ne ajansa nûçeyan a Sana û ne jî Mala Çavdêriyê diyar nekirin ku çalakî ji aliyê kê ve hatiye kirin. Lê li herêma Badiya di navbera hêzên rejîmê û çeteyên DAÎŞ’ê de carinan şer çêdibe.
Dawiya meha Hezîranê jî li dijî xeba borûyê ya binê erdê ya rafîneyek a bajarê Banyasê çalakiya sabotajê hatibû kirin û rejîmê nerazîbûn nîşan da û diyar kiribû ku tiliya welatên biyanî di vê êrîşê de heye.