Li gorî Moskowayê DYA gefê li aramiya global dixwe
Moskowayê nerazîbûn nîşanî pêkanînên DYA'yê yên li ser Çînê da ku ji ber kirîna çekên Rûs pêkanînên nû hatin ferzkirin. Rêveberiya Moskowayê diyar kir ku Washîngton gefê li 'aramiya global' dixwe.
Alîkarê Wezîrê Karên Derve yê Rûsyayê Sergey Rîabkov got, "Wê baş be ku mirov gotina 'aramiya global' bînin bîra wan ku bi rengekî bê aqil gefê lê dixwe."
Rîabkov di daxuyaniya nivîskî de got, "Lîstina bi êgir ne tiştekî aqilane ye. Dibe ku tiştekî xetere be."
Rêveberiya Çînê jî nerazîbûn nîşanî pêkanînan da û bang li DYA'yê kir ku ji biryara xwe vegere. Berdevkê Wezareta Karên Derve ya Çînê Geng Shûang got, eger Washîngton ji biryara xwe venegere wê neçar bimîne ku bi berpirsyariya encamên wê rabe.
