Berdevkê Serokkomariya Tirk Ibrahîm Kalin got Serokkomarê Tirk Erdogan wê mazûvaniyê li Serokdewletên Rûsya û Îranê bike.

Rûsya û Îran paşmêrên sereke yên rejîmê ne, Tirkiye jî di van civînan de paşmêr û berdevkiya komên çete dike.

Li gorî Kalin rêveberên sê welatan li gel peymana Idbliê ya 2018'an a di navbeyna Enqerê û Moskowê de, wê li ser pêvajoya avakirina komîteya destûrû û pêvajoya siyasî ya li Sûriyê biaxiv.

Daxuyaniya derbarê civînê, piştî ku rejîma Sûriyê ya bi desteka Moskow û Tehranê Xan Şeyxûn bi dest xistin, hate dayin.

Çeteyên bi desteka dewleta Tirk ji Xan Şeyxûn û ji qadên bakur ên Xamayê vekişiyabûn.

Rejîma Sûriyê Nîsanê operasyon li ser Idlibê da destpêkirin. Dema ku rejîma Sûriyê kete Xan Şêyxûn de dewleta Tİrk bi konwoyeke zirxî ya ji 50 wesayitî pêk dihat bi hawara çeteyan ve çû lê hêzÊn hewayî yên Rûsya û Sûriyê nehiştibû ku konwoy bi pêş ve biçe

Herêma Idlibê Îlona 2018'an di navbeyna Moskowê û Enqerê de weke ''herêma ewle'' hatibû diyarkirin. Lê ev peyman bi cih nehat.