Balafir û helîkopterên şer ên Tirk qadên gerîla bombe kirin

Balafir û helîkopterên şer ên artêşa Tirk a dagirker bombe li herêmên Metîna, Gare, Avaşîn û Zapê yên Herêmên Parastinê yên Medyayê barandin.

Navenda Ragihandin û Çapemeniyê ya HPG'ê li ser êrişên hewayî yên artêşa Tirk a dagirker ên li ser Herêmên Parastinê yên Medyayê ev aghî da:

"Artêşa Tirk a dagirker bi helîkopteran û balafirên şer êrişî Herêmên Parastinê yên Medyayê kir.

Agahiyên berfireh ên li ser êrişan wiha ne:

10'ê Çileyê saet di navbera 11:40-11:50'î de derdora gundê Bazê yê herêma Metînayê bi balafirên şer hate bombekirin.

12'ê Çileyê saet di 03:30'î de gundê Şikriyê yê nehiya Çemankê ya herêma Garê bi balafirên şer hate bombekirin.

12'ê Çileyê saet di 09:40'î de qada Mervanos a herêma Avaşînê bi balafirên şer hate bombekirin.

12'ê Çileyê saet di navbera 14:00-14:30'î de mintiqeyên Bircella û Şelale yên qada Şehîd Rustem a Zapê, qadên Şehîd Xeyrî û Stadyûmê, derdora gundê Mêrganîşê yê herêma Cîlo yê Biçûk bi helîkopteran hatin bombekirin.

15'ê Çileyê saet di 12:50'î de qada Werxelê ya herêma Avaşînê, heman rojê saet di 13:00 de qada Geliyê Basyayê bi balafirên şer hatin bombekirin.

15'ê Çileyê saet di 12:50'î qada Kunîşka ya herêma Zapê bi balafirên şer hate bombekirin.

16'ê Çileyê saet di 13:40'î qada Şehîd Şahîn a herêma Zapê bi balafirên şer, heman rojê saet di navbera 20:30-20:45'an de qada Şehîd Zîlan bi helîkopteran hatin bombekirin.

16'ê Çileyê saet di 13:30'î qada Mamreşo ya herêma Avaşînê bi balafirên şer hate bombekirin."