Sewqiyata leşkerî ya ber bi Tendurekê ve
Artêşa Tirk, ku li Tendurekê derbên giran dixwe, hîn bêhtir leşkerên xwe dişîne herêmê.
Artêşa Tirk, ku li Tendurekê derbên giran dixwe, hîn bêhtir leşkerên xwe dişîne herêmê.
Hat ragihandin, artêşa Tirk bi mînîbusên transît cerdevan û yekîneyên taybet şandiye herêma Tendurekê, ku bi rojan e şerekî giran lê diqewime. Li vê herêma ku helîkopter û balafirên keşfê yên bi tîpa heron lê digerin, duh êvarê zêdeyî 15 mînîbusên transît ên sivîlan, cerdevan û tîmên taybet birin vê derê.
Ev cerdevan û tîmên taybet, li zozanên Kanîspî, Gund û Grêdên bi cih bûn û dest bi danîna kemînan kirin. Li gorî agahiyan, van çekdarên dewleta Tirk gef li şivanên li herêmê xwarine û ew ji herêmê derxistine.
Di ser Giyadînê re jî gelek helîkopter diçin herêmê.
Navenda Ragihandin û Çapemeniyê ya HPG'ê beriya niha dabû xuyakirin, ku di çarçoveya Pêngava Şoreşgerî de li herêma Serhedê 55 leşker hatine kuştin.
Daxuyaniya HPG'ê ya li ser mijarê:
https://anfkurdi.com/kurdistan/pengava-soresgeri-ya-li-serhede-55-lesker-mirin-81229