Zimanê Kurdî, ku li erdnîgariyeke berfireh ji aliyê zêdeyî 40 mîlyon însanî ve tê axaftin, ji bo bê tinekirin her tim bû hedefa zext, zordarî û polîtîkayên asîmîlasyonê yên dewletên mêtînger.

Helbestvan Roza Metîna destnîşa kir, zimanê Kurdî ku dewletên serdest bi sedan salan hewl dan tine bikin, yek ji zimanên herî dewlemend ên cîhanê ye û got, "Zimanê Kurdî yek ji zimanên herî dewlemend ên cîhanê ye. Îspata herî mezin a vê yekê jî berhemên bi Kurdî hatine nivîsandine."

Ji bo vê jî Metîna mînaka Baba Tahir Uryan da; 

"Delal, her du çavên min qesra te ne
Nav du çavên min cihê piyên te ne
Ditirsim tu xafil gav bavêjî û Bi mijangê min biêşin piyên te"

Metîna gotina "Kurdino bibin yek, eger hûn nebin yek hûn ê herin yek bi yek" a Cegerxwîn bibîr xist û işaret bi girîngiya yekîtiya neteweyî kir.

Metîna ragihand, tevî polîtîkayên asîmîlasyonê yên bi salan li ser gelê Kurd hatin meşandin, gelê Kurd ti carî ji ziman û têkoşîna xwe qut nebûye û got, tevî Kurd bi saxî di jêrzemînan de hatin şewitandin û bajarên wan hatin bombekirin jî, dev ji zimanê xwe bernedan.

Metîna destnîşan kir, ku ziman hebûna gelekî ye û ev bang kir: "Ji bo nifşên nû karibin bi Kurdî baxivin, pê bijîn, divê Kurdên li çar parçeyên Kurdistanê li hev bikin û ji dil bi hev re tevbigerin."