Dêrik: Gerîla pêşiya komplogeran digire
Gerîlaya YJA STAR’ê Diyana Dêrik diyar kir ku di vê serdemê de komplo dixwaze xwe nû bike, lê gerîla wê pêşiya armancên komployê bigire.
Gerîlaya YJA STAR’ê Diyana Dêrik diyar kir ku di vê serdemê de komplo dixwaze xwe nû bike, lê gerîla wê pêşiya armancên komployê bigire.
Gerîlaya YJA-STAR’ê Dêrik got “Felsefeya Rêbertî û giyanê ku afirandiye, tu carî winda nabe.”
Gerîla Diyana Dêrik bi wesîleya salvegera 21’emîn a komploya navneteweyî ya di şexsê Rêberê Gelê Kurd Abdullah Ocalan de gelê Kurdistanê û Tevgera Azadiyê kiribû hedef, ji ANF’ê re axivî.
Dêrik diyar kir ku li ser gelê Kurd bi sedan salan polîtîkayek hebû û ji ber ku Ocalan ev polîtîka hilweşand, komploger ketin dewrê.
Dêrik got ku “Xwestibûn di şexsê Rêbertî de gelê Kurd tune bikin lê bi ser neketin. Felsefeya Rêbertî û giyanê ku afirandiye, tu carî winda nabe û nayê windakirin. Di vê serdemê de komplo dixwaze xwe nû bike, lê gerîlayên têkoşer di sala 2020’an de xwe bi felsefeya Rêbertî xwe xurt kiriye, li ser bingeha yekîtiya gelan û tevî gel wê têbikoşe, wê pêşiya armancên komplogeran bigire. Em gerîlayên YJA STAR’ê soza xwe dubare dikin, bi asta ku azadiya Rêbertîya ava xwe bike, em ê têkoşîna xwe geş bikin.”