Li navçeya Sirînê ya Kobanê, bi dehan kes bi pêşengiya jina li dijî tecrîdkirina Rêberê Gelê Kurd Abdullah Ocalan li hev kom bûn.

Girseya gel li destpêka navçeyê li hev civiya û ber bi Şaredariya Sirînê meşiya.

Di meşê de wêneyên Rêberê Gelê Kurd Abdullah Ocalan hatin hildan û dirûşmên "Bijî Serok Apo" û "Jin, Jiyan, Azadî" hatin qîrîn.

Li dû meşê endama Rêveberiya Kongra Star a navçeya Sirînê Mûna Ehmed daxuyaniyek da. Mûna Ehmed destnîşan kir ku bi saya fikir û felsefeya Ocalan jinan xwe bi rêxistin kirine û li he qada jiyanê xwe ispat ikrine.

Mûna Ehmed bi bîr xist ku piştî hilbijartinên Tirkiyeyê, tecrîda li ser Rêberê Gelê Kurd Abdullah Ocalan hatiye şidandin û bi ti awayî agahiyê ji Rêberê xwe wernagirin.

Mûna Ehmed destnîşan kir ku wê weke gel her tim li ser fikir û felsefeya Rêberê Gelê Kurd Abdullah Ocalan têbikoşin.