Cenazeyê şehîd Beşar El-Hesen hate veşartin

Cenazeyê şervanê Meclîsa Leşkerî ya Til Temirê Şehîd Beşar El-Hesen ku dema li ser erka xwe şehîd bûbû, bi merasîmekê hat veşartin.

Bi sedan şêniyên navçeyê cenazeyê şehîd Beşar El-Hesen (Fuad) ji avahiya Meclisa Malbatên Şehîdan wergirt û ber bi goristana şehîdan a Til Temirê ve ketin rê. Şehîd Beşar El-Hesen şervanê Hêzên Meclisa Leşkerî ya Til Temirê bû û dema erka xwe ya leşkerî pêk dianî şehîd bûbû.

Di merasîmê de bi navê Saziya Malbatên Şehîdan Fewaz Ehmed, hêzên leşkerî Ehmed El-Hesen û malbata şehîd Esad Mirî axivîn.

Axêveran sersaxî da malbata şehîd û soza şopandina rêya şehîdan dan heta ku armancên ku ji bona wê şehîd ketine, pêk bînin.

Piştî bidawîbûna axaftinan, endamê rêveber ê Partiya Yekitiya Demokratîk (PYD) Idrîs Namo wesîqeya şehadeta şehîd xwend û radestî malbatê kir.

Di dawiya merasîmê de girseya gel cenazeyê şehîd Beşar di nav tilîliyên dayîkan de spart axê.