Ji ber fikarên li ser tenduristî û ewlekariya Ocalan, bi pêşengiya Meclîsên Jinê yên Amara-Frankfûrt, Sara-Offenbach û Nûjîn-Hanaû, li Balafirgeha Frankfûrtê çalakiya bêîteatiya sivîl hat lidarxistin.

Çalakgeran tîşortên bi nivîsa "Ji Ocalan re azadî" li xwe kirin û dirûşmên "Bijî Serok Apo", "Kujer Erdogan", "Terorîst Erdogan", "Bê Serok jiyan nabe" qîriyan.

Di axaftinên li vê derê de hat xwestin, tecrîda li ser Ocalan derhal were rakirin û malbat karibe pê re hevdîtinê bike. Di çalakiyê de ji bo mîtînga sibe ya li ber Konsolosxaneya DYA saet di 16:00 de were lidarxistin, banga tevlîbûnê hat kirin.