Merasîma bîranînê ji aliyê nûnertiya PYD'ê ya Awûstûryayê ve hat organîzekirin û li Navenda Civaka Demokratîk a Kurd pêk hat.

Li dû deqeyeke rêzgirtinê ji bo bîranîna şehîdên şoreşa Kurdistanê û cîhanê, sînevîzyonek li ser Şehîd Silava hat amadekirin, hat nîşandan. Piştre siyasetmedarê Kurd Cûma Tak axivî.

Tak bal kişand ser cih û rola jinên Kurd a di şoreşa Rojava de û destnîşan kir, ku jinên Kurd bi ruhekî bêhempa yê berxwedanê, welatê xwe diparêzin.

Tak da xuyakirin, şehîda destpêkê ya tabûra jinan Silava ji bo gelek jinên ciwan bûye ronahî û got, "Nisêbîn û Cizîr dewama vê şoreşê ye."

Merasîma bîranînê bi qîrîna dirûşmên "Şehîd Namirin" û "Bijî Serok Apo" qediya.