Kurdistaniyan li Montpellîerê dest bi greva birçîbûnê kirin
Kurdistaniyên li bajarê Fransa Montpellîerê dijîn, bi armanca şermerzarkirina êrîşên dewleta Tirk dest bi greva birçîbûnê kirin.
ANF
MONTPELLÎER
în, 5 reşemiyê 2016, 13:05
Bi armanca şermezarkirina êrîşên dewleta Tirk ên li hemberî Bakurê Kurdistanê, Navenda Civaka Demokratîk a Montpellîerê, li meydana herî qelebalix a bajêr Place De La Comedîe greva birçîbûnê organîze kir. Tevî hemû astengiyên polîsên Fransayê jî grevê destpê kir.
Çalakgeran dan xuyakirin, ku greva birçîbûnê wê du rojan bidome û sibe bi heman armancê wê meşek were lidarxistin. Komîteya Amadekar a çalakiyê ji bo meşa ji Peyroû Pîtot destpê bike û Comedîe bidome, banga tevlîbûnê kir.
Kurdistanî li kolanên herî qelebalix ên Montpellîerê, li ser komkujiyên dewleta Tirk li Kurdistanê dike û berxwedana gelê Kurd a li hemberî vê wehşetê, belavokên bi zimanê Fransî belav dikin.