Kurdistaniyên li Kanadayê dijîn, xebatên xwe yên dîplomasiyê bi tempoyeke bilind, dewam dikin. Nûnerên Meclîsa Gel a Toronto, beriya hilbijartinên meha Cotmehê yên li Kanadayê bi Serokê Giştî yê Partiya Demokrat a Nû (NDP) Thomas Mulcaîr û Parlamenterê Herêma Toronto Andrews Cash re hevdîtin kirin.

Di hevdîtinan de bûyer û qewimînên li Rojavayê Kurdistanê û êrîşên çeteyên DAIŞ'ê bi giranî hatin nirxandin. Mulcaîr diyar kir ku ew rewşa li Rojava ji nêz ve dişopîne û hêvîdare şer û hovîtiya diqewime, tavilê bi dawî bibin.