Rêxistina li Ewropa KCD-E, diyar kir ku êrîşên îmha û qirkirinê yên dewleta Tirk li ser gelê Kurd bi lez û bez dewam dike.
Di daxuyaniya KCD-E de wiha hate gotin: “Bi hilweşîna tank, hewan û topan ve hewl didin jiyangehên Kurdistanê yên ku di zanebûna welatparêzî, rêxistinbûyin de vala bikin û bê mirov bihêlin.”
KCD-E destnîşan kir ku gelê Kurd ê li hember van êrîşên hovane bi berxwedana xwerêveberiyê dibe bersiv, berxwedan û lehengtiyek mezin raber dike.
Di dewama daxuyaniya KCD-E de wiha hate gotin:
“Hêzên şer ên Tirk ji ber nikarin berxwedanê bişkînin û kuştiyên wan zêde çêdibin, wek çareya dawî hêzên xwe yên hewayî xistiye dewrê.
Li Nisêbînên balafirên şer ên Tirk gelê sivîl û malên wan ketober bombe dikin; bêdengiya raya giştî ya cîhanê û saziyên navneteweyî wek firsendê dibîne, hewl dide qetlîaman di merheleyek hê jortir de pêk bîne.
Di serî de gelê me yê li Ewropa, divê Kurdistaniyên li Bakurê Kurdistanê, Tirkiye û çar aliyê cîhanê li tundî li dijî vî sûcê şer rabin; ji bombekirina Nisêbînê ya ji aliyê balafirên şer re nebin temaşeker.
Divê saziyên Navneteweyî, Yekîtiya Ewropa û raya gitşî ya cîhanê nebin hevparê van sûcên şer û qetlîaman, bertekên pêwîst nîşan bidin.
Nisêbîna Berxwedêr, Şirnexa Berxwedêr, Kurdistana Berxwedêr e.
Yên tên qetilkirin û bi hilweşîna malan didin koçkirin xwişk û birayên me ne, gelê me ye.
Roj ne roja bi bêdengiyê temaşekirinê ye; roja berxwedan û çalakiyê ye.
Li tevahî welat, herêm û qadên ku em lê ne, em li qadan helwesta xwe ya demokratîk deynin holê.
Serkeftin ya gelê me yê berxwedêr e.”