Ji bo Xerabê Bava li Viyana, Zurîch û Stûttgartê çalakî hatin lidarxistin
Li dijî komkujiyên li gundê Xerabê Bava tê kirin, li bajarê Viyana yê Awûstûryayê, bajarê Stûttgart ê Elmanyayê û bajarê Zurîch ê Swîsreyê xwepêşandan hatin lidarxistin.
Li dijî komkujiyên li gundê Xerabê Bava tê kirin, li bajarê Viyana yê Awûstûryayê, bajarê Stûttgart ê Elmanyayê û bajarê Zurîch ê Swîsreyê xwepêşandan hatin lidarxistin.
Li dijî komkujiyên li gundê Xerabê Bava tê kirin, li bajarê Viyana yê Awûstûryayê, bajarê Stûttgart ê Elmanyayê û bajarê Zurîch ê Swîsreyê xwepêşandan hatin lidarxistin.
VIYANA
Li paytexta Awûstûrya Viyanayê, bi armanca şermezarkirina terora dewleta Tirk a li gundê Xerabê Bava yê Nisêbînê, li ber Nûnertiya Yekîtiya Ewropayê mîtîngek hat lidarxistin.
Kurdistanî û dostên wan li ber avahiya nûnertiyê li hev civiyan bi wêneyan bal kişandin ser komkujiyên dewleta Tirk li Kurdistanê dike. Di çalakiyê de dowîzên bi nivîsa "Ewropa fînanse dike - Tirkiye bombe dike" hatin vekirin.
Kurdistaniyan tevî serma û baranê jî çalakiya xwe dewam kirin û terora dewleta Tirk bi qîrîna dirûşman şermezar kirin.
Di çalakiyê de ji bo mîtînga sibe ya li ber Konsolosxaneya Tirk banga tevlîbûnê hat kirin.
ZURÎCH
Li bajarê Zurîch ê Swîsreyê, bi pêşengiya Meclîsa Jinê ya Bêrîtan û DEM-KURD a Zurîchê, bi armanca şermezarkirina komkujiya li gundê Xerabê Bava çalakiyek hat lidarxistin.
Kurdistanî bi vê armancê li Bahnhofstrasseyê li hev civiyan û dirûşmên "Dawî li komkujiyên li Kurdistanê bînin" qîriyan. Gelek sazî û partiyên siyasî jî tevlî çalakiyê bûn û belavokên li ser mijarê hatin belavkirin.
Di çalakiyê de daxuyaniyek hat dayîn û hat gotin, "Dewleta Tirk komkujiyê li Kurdan dike. Û cîhan jî li pêşberî vê komkujiyê bêdeng e. Em ê bêdeng nemînin."
Çalakî bi qîrîna dirûşman qediya.
STÛTTGART
Li bajarê Stûttgart ê Elmanyayê, 'Piştgirî-Însiyatîfa Kurdistanê' ya ji aliyê ciwanên Kurd û Elman ve hat avakirin, li navenda bajêr stant vekir û li ber komkujiyê agahî da.
Endamên însiyatîfê duh standek vekirin, belavok belav kirin û wêneyên ji komkujiyê daliqandin. Li vir axaftin hat kirin û terora dewleta Tirk hat şermezarkirin.
Her wiha bal hat kişandin ser desteka siyasî ya Elmanyayê ji bo rejîma AKP'ê û jê hat xwestin, dest ji vê hevkariya xwe ya bi terora dewletê re berde.
Di daxuyaniya însiyatîfê de helwesta Elmanyayê ya li dijî gelê Kurd hat rexnekirin û hat xwestin, dawî li zext û girtina aktîvîstên Kurd bê anîn.