Saziyên Elwiyan, girtina TV 10 ya bi hinceta Rewşa Awarte û biryarên reşkirina weşanê li Qada Galatasarayê protesto kirin. Di çalakiya ku bi piştgirîkirina Parlementerê CHP’ê Hilmî Yarayici, Serokê Navçeya Beyoglû yê CHP’ê Bekir Ozcan û Dayikên Şemiyê pankarta bi nivîsa “Dengê Elewiyan 10 TV Nayê Bêdengkirin” û dirûşma “10 TV nayê bêdengkirin” hatin berzkirin. Di çalakiyê de destpêkê Amadkarê Bernameyan a TV 10 Huseyîn Kalleci axivî û bal kişand ser ji bo girtina TV 10 delîlên zelal û şênber nîne. Kellecî diyar kir ku bi biryarên hinceta Rewşa Awarte girtina TV 10 bê hiqûqiye.

JI BO TV 10 EŞÛRE HATE BELAVKIRIN

Piştî Huseyîn Kelecî û şûn de mafê axaftinê Serokê Giştî yê Komeleya Çandê ya Hûbyar Sûltan û endamê Federasyona Bektaşên Elewî Alî Denizî diyar kir ku girtina TV 10 nayê pejirandin. Deniz destnîşan kir ku ji bo vekirina TV 10 wê li Tirkiye û Ewropayê dest bi kampanyayekî îmzeyan bikin, ev îmzeyên ku bên berhevkirin jî wê radestî Serokwezîrê Tirk Bînalî Yildirim bikin.

Piştî çalakiyê endamên Tevgera Ciwanên Elewî eşûre li gel belav kirin.