Şêniyên bajarê Girê Spî cenazeyê şervanê Lîwa El-Tehrîr ku di bin banê QSD′ê de beşdarî Hemleya Xezeba Firatê bûye, ji nexweşxaneya Wetenî wergirtin û bi karwanekî erebeyan ber bi goristana gundê Elî Baciliyê ve ketin rê.

Di merasîma oxirkirinê de Hevseroka Rêveberiya Xweser a bajarê Girê Spî Leyla Mustefa, Endamên TEV-DEM′ê, nûnerên Desteyan û bi sedan şêniyên herêmê amade bûn.

Piştî rêzgirtinê, Endamê Rêveberiya Saziya Malbatên Şehîdan Wehîd Ebdullah axivî û soz da ku ew ê şopdarên riya şehîdan bin.

Endamê PYD′ê Xalid Kûtê bang li hemû gelên herêmê kir ku li hember kiryarên çeteyên DAIŞ′ê û dagirkeriya artêşa Tirk, piştgiriya hêzên leşkerî bikin.

Piştî axaftinan nasnameya têkoşer hat xwendin û radestî malbata wî hat kirin.

Şêniyan cenazeyê têkoşer bi dirûşmeyên “Şehîd Namirin” û tilîliyan spartin axê.