Şervanê Minbicê Rebîy Xetban (Çiya Til Temir), 23’yê Tîrmehê di ‘Operasyona Şehîd Fermandar Feysel Ebû Leyla ya rizgarkirina bajarê Minbicê û herêma derdora wê de, jiyana xwe ji dest da.

Ji bo oxirkirina Çiya Til Temir, welatiyên ji bajarê Dirbêsiyê û bajaroka Zirganê û nûnerên TEV-DEM’ê li pêşiya Navenda Meclîsa Malbatên Şehîdan a bajarê Dirbêsiyê kom bûn.

Li ser navê Meclîsa Malbatên Şehîdan Sema Ebdullah axivî û diyar kir ku cangoriyên şoreşê riya azadî û demokrasiyê li pêşiya gelê xwe ronî kirine.

Hevseroka Meclîsa TEV-DEM’ê ya Kantona Cizîrê Edalet Umer jî ji malbata şehîd re sersaxî xwest. Edalet Umer Komkujiya Qamişlo ku roja çarşemê li ser destê hêzên terorîst pêk hat şermezar kir û destnîşan kir ku ev êrîşa dijwar a li dijî gelê sivîl xuya dike ku terorîstan îflas kiriye.

Cenazeya şervanê Minbicê di nava tilîliyên dayikan û durişmeyên “Şehîd Namirin” de li goristanê hate veşartin.