Ji bo xilaskirina çeteyên li navenda bajarê Minbicê li cihekî teng asê man e, çeteyan duh bi şev ji 3 baskan ve êrîşî cihê şervanan kirin.

Êrîşa çeteyan ji başûrrojava ve li hemberî gundê Oseclî, ji bakurrojava ve li hemberî gundê Zonxil û baskê sêyemîn jî ji aliyê başûr ve li dijî gundê Tîl Ûm Seracê hatin kirin. Şervanên Meclîsa Leşkerî ya Minbicê di cih de bersiv dan êrîşan û şer qewimî. Di encama vî şerê dijwar de êrîşên çeteyan hatin şikandin.

Di şer de bi dehan çete hatin kuştin û cenazeyên 14 ji wan di destê şervanan de man. Her wiha 2 maşînên çeteyan ên bombebarkirî hatin rûxandin.

Şervanên Meclîsa Leşkerî ya Minbicê, piştî ku êrîşên çeteyan şikandin li herêmê dest bi karê lêgerîn û paqijkirinê kirin. Gelek çek û cebilxaneyên çeteyan li van herêman bi destê şervanan ketin.