Welatiyên bajarên Serêkaniyê û Dirbêsiyê cenazeyên şervanên YPG’ê Hisên Kilêşo )Dilşêr Serêkaniyê) û Seyid Riza Kûday )Dijwar Baran) ên di Pêngava Xezeba Firatê li cih û dîrokên cuda jiyana xwe ji dest dabûn, li Goristana Şehîd Rustem Cûdî veşartin.
Bi sedan welatiyên bajarên Serêkaniyê û Dirbêsiyê cenazeyên 2 cangoriyên azadiyê Hisên Kilêşo (Dişêr Serêkaniy) û Seyid Riza Kûday (Dijwar Baran) ên ku di Pêngava Xezeba Firatê de li cih û dîrokên cûda de jiyana xwe ji dest dabûn, bi merasîmekî girseyî ji nexweşxaneya Roj a bajarê Serêkaniyê wergirtin û wergirtin û ber bi Goristana Şehîd Rustem Cûdî ve ketin rê.
Li goristanê bi deqeyek rêzgirtinê merasîmekî leşkerî hate lidarxistin. Piştre li ser navê Meclîsa Malbatên Şehîdan a Kantona Cizîrê Fatma Mihemed, Fermandara YPG/YPJ′ê Agirî Jînda, û Endamê TEV-DEM′ê Mihemed Xelef, axivîn û anîne ziman ku wê gelê herêmê bi hemû pêkhateyên xwe ve li dijî êrîş û planên dijmin, li ber xwe bidin.
Di dawiya merasîmê de, dirûşmeyê ″Şehîd namirin″ hatin berzkirin û cenazeyên cangoriyan li goristanê hatin veşartin.
