Operasyona bi desteka hewayî ya piştî çalakiya li hemberî baregeha Qereqola Bêsosinê hat destpêkirin, dewam dike. Gerîlayên HPG û YJA Starê danê êvarê li hemberî kûleyên çavdêriyê yên li herêma Xapûştê û Serê Silo çalakiyek pêk anîn û di encamê de gelek leşker mirin û birîndar bûn. Piştî çalakiyê ji Tabûra Sînor a Ûmûrlû û Qereqola Bêsosinê top û obus hatin avêtin.

Ji danê sibehê ve helîkopterên bi tîpa Kobra guleyan li bejahiya Garê, qadên Gorbadina, Warêzeyneli, Çiyayê Panê, Warê Kaniyê û Mêrgesawê dibarînin. Balafirên şer jî bi şev herêm bombe kirin.

Li aliyê din, helîkopteran yekîneyên taybet danîn qadên Çiyayê Masîro û Gordina. Li herêmê operasyon û tevgera hewayî dewam dike.