Walîtiya Amedê li 10 gundên Lîcê, Farqîn û Pasûrê bi hinceta  operasyona  leşkerî duh qedexeya derketina kolanan îlan kir. Bi qedexeyê re li gundê Herag a Liceyê  welatiyê bi navê Celal Gozen ber gulebarana leşkeran jiyana xwe ji dest da. Li heman gundî welatiyê bi navê Mahfuz ê paşnavê wî nehat hînbûn jî birîndar bû.

Cenazeyê Celal Gozen û welatiyê birîndar rakirin Nexweşxaneya Dewletê ya Weqfa Halîs Toprak a Lîceyê û ji vir jî bi helîkoptera leşkerî ve birin Nexweşxaneya Lêkolîn û Perwerdehiyê ya Gazî Yaşargîl a Amedê.

Malbata Gozen ê  ji bo cenaze werbigirin serê sibehê hatin nexweşxaneyê mînaka xwînê dan.

Welatiyê birîndar Mahfuz jî li Nexweşxaneya Fakulteya Tibê ya Zanîngeha Dîcleyê tê dermankirin.